ARAUDIA

ELGOIBARREN, 2024ko URTARRILAREN 7an IZANGO DEN LXXX. NAZIOARTEKO JUAN MUGUERZA KROSAREN ARAUDIA

1.- Lasterketak Elgoibarko Mintxeta zirkuituan izango dira.

2.- Federatutako lasterketa guztietan legez, itzulia kendutako edo izateko puntuan dauden, atleta guztiak lasterketatik kanpo geldituko dira. Hori dela eta, horiei dortsala kenduko zaie eta utzi egin beharko dute zirkuitua.

3.- Nahitaezkoa izango da izena ematea kategoria GUZTIETAN parte hartu ahal izateko. Senior eta beteranoen artean ez da bereiztasunik izango, sailkapen eta sari bakarra izango dira, kategoria absolutua deituko da.

Inskripzioak, RFEA Intranet https://sdp.rfea.es/auth/login web orrian egin behar dira “inscripciones territoriales” atalean 2023ko abenduaren 7tik aurrera. Izena emateko epea 2024ko urtarrilaren 3an bukatuko da, eguerdiko 13:00etan. Alebin etainfantilek mintxeta@mintxeta.com helbidean egin beharko dute, atxititutako dokumentuarekin batera. Data hori eta gero, ez dira izen emateak onartuko.

4.- Dortsalak urtarrilaren 6an, larunbata, emango dira Elgoibarko Udalaren harreran, eta igandean, urtarrilaren 7an, zirkuituko sarrera NAGUSIAN.
Kategoria guztietan korritu beharko da krosaren antolakuntzak ematen duen dortsalarekin. Dortsal horrek txipa izango du atzealdean.

5.- Absolutu, junior (sub-20), jubenil (sub-18) eta kadete (sub-16) mailako atleta guztiak, dei kameratik pasa beharko dute derrigorrez, eta bertan NANa, lizentzia edo argazkia duen dokumentu ofiziala aurkeztu. Alebin (sub-12) eta infantilak (sub-14) ere dei kamaratik pasa beharko dira, identifikazioa ez da izango beharrezkoa. Txipa irakurriko zaie dei-kameraren sarreran.

6.- Dortsalik, gonbidapenik edo akreditaziorik ez dutenek sarrera ordaindu beharko dute: nagusiek 6€, jubilatuek 4€ eta haurrek 2€.

7.- Antolatzaileek ez dute erantzukizunik izango, proba burutzen den bitartean edo probatik kanpo, ezbeharren bat gertatzen baldin bada.

8.- Proba honetan parte hartzeko, araudi honetan ezarritakoa onartu beharko da.

9.- Araudi honetan jasotzen ez diren gauza guztietarako kontuan izan beharko da World Athletics eta RFEAko araudiak ezarritakoa.