Elgoibarko Juan Muguerza Nazioarteko Crossaren antolakuntzak hilabeteak daramatza 2025eko urtarrilaren 5ean ospatuko den edizio berrian lanean. Oraingo honetan, gure ekitaldiaren irudia izango den logotipoa aurkezten dugu. Logotipoak Mintxetako zelaietako berdea, lokatzaren kolorea eta krosaren pista ospetsuko tartana nabarmentzen ditu, Elgoibarko e horrekin batera. Logotipo hau Mintxeta A.T.ren antolakuntza taldeko kide batzuen berritzearekin batera dator, eta krosa modernizatzeko egin diren lehen ekintzetako bat da.
